Uppskriftir: Oddvør'sa glutenfría máltíð

<p>Matpannukøkur við laksi, avokado og tomat - ein soltin máltíð, sum øll kunnu eta.</p>

<p><strong>Pannukøku-omulett við grønmeti - uttan gluten</strong></p>

<p>1 omulett</p>

<p>2 egg</p>

<p>2 súpusk. av mjólk</p>

<p>Frískt oregano, basilikum og deymkorru (koriander)</p>

<p>1 tesk. av salti</p>

<p>Nýmalið pipar</p>

<p>Jomfrú kokusolja at steikja við</p>

<p>1 súpusk. av loppufræskeljum</p>

<p><em>Fylla</em></p>

<p>Feskur, royktur vistfrøðiligur laksur</p>

<p>Avokado</p>

<p>Tomatir</p>

<p>Salat</p>

<p>Eitt vet av pesto</p>

<p>Karva kryddurtirnar smátt. Píska omulettuna saman. Tú kanst avgera tjúgdina við vætuni. Deiggið má ikki vera ov tunt. Lat deiggið hvíla í 10 min. Ímeðan gert tú fylluna tilreiðar. Steik hana síðan á báðum síðunum í lágum hita.</p>

<p>Skola væl og deil salatið í smærri stykkir. Sker tomatir og avokado í klænar flísar og sker laksin í smærri stykkir.</p>

<p>Tá omulettin er liðug, skalt tú køla hana eitt sindur av. Smyr síðan eitt lag av pesto (nýtist ikki) og luta salat, tomatir og avokadoflísarnar inn í saman við laksinum.</span></p>

<p>Pannukøku-omulettan riggar eisini væl at hava í matpakkanum.</p>

<p><strong>Gularóta- og squash muffin – uttan gluten</strong></p>

<p>150 g av dadlum</p>

<p>3 egg</p>

<p>1 dl av eyka jomfrúolivinolju</p>

<p>1/2 tesk. av natron</p>

<p>1/2 tesk. av bakipulvur</p>

<p>1/2 tesk. av salti</p>

<p>2 tesk. av kaneli</p>

<p>125 g av rivnari gularót</p>

<p>125 g av rivnari squash</p>

<p>175 g av rísmjøli</p>

<p>1 dl av mandlumjólk</p>

<p>&nbsp;</p>

<p>Egg, dadlur og olivinolja verða koyrd í eina hvirlu. Restin av tilfarinum verður rørt í, og alt verður koyrt í ein smurdan form. Baka í 35 min. í 180 hitastigum í vanligum ovni, og í 170 hitastigum í ovni við luft.</p>

<p>&nbsp;</p>

<p><em>Sitróntoppur</em></p>

<p>200 g av cashewnøtum verða settar á blot í 6-8 tímar</p>

<p>1 dl av sitrónsaft</p>

<p>2 súpusk. av jomfrúkokusolju</p>

<p>Rivið skal av eina vistfrøðiligari sitrón</p>

<p>3 súpusk. av agavesiroppi / flótandi hunangi</p>

<p>&nbsp;</p>

<p>Stoyt vatnið av cashewnøtunum og blenda alt tilfarið, til tú kanst smyrja. Smyr sitróntoppin oman á kakurnar og pynta við nýrivnari gularót.</p>