Føroyakritikarar halda ikki fram í ES

Tað er greitt, nú atkvøðurnar eru taldar upp og limirnir til Evropatingið fyri komandi fimm árini eru funnir.

Tað er skrivað í tíðindabrævinum hjá føroysku sendistovuni í Brússel, sum lýsir mál í ES-kervinum.

Talan er um teir báðar, íran Pat the Cope Gallagher og skotan Struan Stevenson, ið hava verið sera virknir og føroyakritiskir í fiskivinnunevndini hjá Evropatinginum.

Skotski Struan Stevenson stillaði ikki upp til valið hesaferð, og Pat the Cope Gallagher varð ikki afturvaldur.

Tað er serliga í ósemjunum millum Føroyar og ES um makrel og sild, at teir báðir hava verið sera atfinningarsamir ímóti ES. Teir hava millum annað skýrt føroyingar bæði sjórænarar og ránsmenn.