Farnir undir stálarbeiðið í Marknagili

Fyrsta stálið til nýggja miðnámsskúlan í Marknagili verður nú monterað. 

 Í løtuni arbeiða 45 fólk á byggiplássinum í Marknagili. Gólvið í ítróttarhøllini er stoypt, og gólvhiti er eisini lagdur í. Gólvhiti verður somuleiðis lagdur í blokk A, sum er rundi parturin av bygninginum.

Umframt stoypiarbeiðið er farið undir at seta betongelement upp, og  í næstui viku kemur tann fyrsta stálkonstruksjónin væntandi á byggiplássið.

515 mió. kr.

Nýggi miðnámsskúlin, sum skal hýsa Tekniska skúla, Studentaskúlanum og Handilsskúlanum, verður 19.500 fermetrar til víddar, og har fara at ganga tilsamans 1300 næmingar.

Skúlin skal verður liðugur til skúlaársbyrjan í 2016. Miðnámsskúlin í Marknagil verður mettur at kosta 515 milliónir kr.