Nógv tey flestu eiga bústað

Nógv tey flestu húskini í Føroyum eiga sín egna bústað. 

Bara 2.022 húski leiga. 14.026 húski eiga hús ella íbúð. Og so eru 489 húski, sum ikki gjalda húsaleigu. 

Tað upplýsir Hagstovan.

Hagstovan sigur eisini, at bara fimta hvørt húski, sum leigar, hevur meira enn 200.000 kr. í tøkari inntøku um árið.

Men næstan annað hvørt húski, sum eigur bústaðin, hevur meira enn 200.000 kr. í tøkari inntøku um árið.