Føroysk sendistova í Moskva

Føroysk sendistova verður latin upp í Moskva seinni í ár, boðaði løgmaður løgtinginum frá í røðu síni.

Men meira segði løgmaður ikki um tað - annað enn, at tað fer at styrkja støðu Føroya í londunum eystanfyri.

Í hesum parti av røðuni kom Kaj Leo Holm Johannesen inn á økta spenningin í Evropa. 

Hann nevndi ikki Ukraina, men segði tað vera óskiljandi, at nakar skjýtur niður eitt ferðafólka-flogfar við sløkum 300 fólkum umborð.

- Eg vóni, at tey, sum hava ábyrgdina av hesi illgerð, verða drigin til svars, og at tiltøk verða sett í verk, so slíkt ikki hendir aftur, segði løgmaður.