Grein 19-nevndin leggur arbeiðið til rættis

Mikudagin fer grein 19-nevndin, sum skal kanna Eik-grunnin og grunnaeftirlitið, til arbeiðis. Tá hevur nevndin fund.

Tað eru tey trý, Jóan Magnus Rasmussen úr Flokkaflokkinum, Helgi Abrahamsen úr Sambandsflokkinum og Kristina Háfoss úr Tjóðveldi, sum manna nevndina.

Formaðurin Joen Magnus Rasmussen hevur fyrr sagt, at hann fer tíðliga í august at leggja arbeiðið hjá nevndini til rættis.

Tað er framvegis ógreitt, hvussu nevndin sleppur fram at Eik grunninum. Tað kann enda við, at nevndin fer at kanna eftirlitið hjá Skráseting Føroya við Eik grunninum sum dømi, hevur formaðurin sagt við Útvarpið.