BankNordik fingið nýggjan vinnustjóra

Turið Finnbogadóttir Arge tók 1. august við starvi sum nýggjur vinnustjóri í BankNordik. Hon tekur við eftir Bjarne Jørgensen, ið nú er kredittráðgevi á kredittdeildini.

Turið Finnbogadóttir Arge hevur tey seinastu árini verið stjóri á sølu- og marknaðardeildini.

Hon er útbúgvin cand.merc.aud., og hevur starvast í bankanum síðan 2007, har hon hevur verið ráðgevi og síðan bólkaleiðari á íløgudeildini, stjóri á starvsfólkadeildini og stjóri á sølu-og marknaðardeildini.