Einastandandi: Pál tvey EM-silvurheiðursmerkir

Pál Joensen vann aftur í dag silvur í EM-kappingini í Berlin.

Pál kom á mál sum nummar tvey í EM-finaluni í 800 metrum við tíðini 7.48.49. Nummar eitt varð Gregorio Paltrinieri við tíðini 7.44.98.

Tíðliga í finaluni var greitt, at italiumaðurin fór frá hinum.

Pál Joensen, Gabriele Detti og Stephen Milne lógu leingi lið um lið um hini heiðursmerkjaplássini.

Tá umleið 300 metrar vóru eftir vísti Pál Joensen, hvør av teimum var sterkastur. Pál legði seg á annað plássið, og helt seg har til hann kom á mál.

Við tveimum silvurheiðursmerkjum í hesi EM-kappingini hevur Pál Joensen framt eitt hitt størsta ítróttarbragdið í føroya søgu.

Úrslit og tíðir:

1. Gregorio Paltrinieri - Italia - 7.44.98

2. Pál Joensen - Føroyar - 7.48.49

3. Gabriele Detti - Italia - 7.49.35

4. Stephen Milne - Bretland - 7.50.64

5. Jan Micka - Kekkia - 7.52.19

6. Gergely Gyurta - Ungarn - 7.55.47

7. Ferry Weertman - Holland - 7.55.57

8. Richard Nagy - Slovakia - 7.56.28

Pál Joensen hevur svomið síðstu kappingina í EM í Berlin. Úrslitið varð tvey silvurheiðursmerkir til Føroyar.

Meira verður í tíðindunum í útvarpinum klokkan 18.00, í Degi og Viku klokkan 19.00 og í 3-2 mánakvøldið.

Karusellin sendir í løtuni beinleiðis úr Vági.