Søkja eftir deildarstjóra til Fiskiveiðieftirlitið

Talan er um nýtt starv í sambandi við bygnaðarbroyting á Vørn,  sigur Elmar Højgaard, stjóri.

Fiskiveiðieftirlitið er deild undir Vørn, og nýggi deildarstjórin skal hava dagligu ábyrgdina av at fremja fiskiveiðieftirlit á sjógvi og á landi í Føroyum og við føroyskum fiskiskipum í fremmandum sjógvi. Tann, sum settur verður, skal hava skipsføraraútbúgving ella aðra viðkomandi útbúgving.

Starvið er tænastumannalíknandi starv og er lønt í 36. lønarflokki sambært avtalu millum Tænastumannafelag landsins og Fíggjarmálaráðið. Evsta mark at søkja er 22. september klokkan 12.00.