Bústaðir eiga íbúðirnar undir Kráarbrekku

Bústaðir fara at eiga allar íbúðirnar undir Kráarbrekku í Klaksvík.

Sjálvsognarstovnurin undir Kráarbrekku eigur 24 eldraíbúðir, sum Bústaðir fara at eiga og leiga út.

Týskvøldið fingu tey, sum búgva í íbúðunum, at vita, at Bústaðir nú skulu eiga íbúðirnar.

Higartil hava Bústaðir átt Sjálvsognarstovnin undir Kráarbrekku saman við Klaksvíkar kommunu.

Eldraíbúðirnar undir Kráarbrekku verða leigaðar fólki, sum eru eldri enn 60 ár.