Dømdur fyri hóttanir

<p>Maðurin vildi hava sítt depositum aftur og eina frystikistu. Maðurin kom við hóttanini, tá hann tosaði við ein sosialráðgeva hjá Almannaverkinum tann 3. september. Maðurin segði, at hann fór at skjóta mannin, hann leigaði frá, sum skuldi fáa eina kúlu fyri pannuna og 120 høgl í seg.</p>

<p><strong>SÍ EISINI <a href="http://kvf.fo/greinar/2014/09/04/handtikin-fyri-hotta-starvsfolk">Handtikin fyri hóttanir</a></strong></p>

<p>Almannaverkið meldaði mannin, sum hevur verið varðhaldsfongslaður síðani 3. september. Maðurin noktaði seg sekan. Harafturat er maðurin dømdur fyri at hava hótt eina kvinnu við at sláa hana.</p>

<p>Maðurin var eisini ákærdur fyri frælsistøku, tí hann skuldi hava hildið kvinnuni aftur í sjey tímar á kamari sínum og nokta henni at fara haðani. Men hann er frídømdur fyri hesa ákæruna. Rætturin tók við í sína meting, at maðurin seks ferðir áður er dømdur fyri hóttanir og átta ferðir fyri harðskap.</p>