Rúgvismikið at kanna veddingarsvik

Kanningarnar í sambandi við veddingarsvikið í SMS eru nú komnar so væl áleiðis, at arbeitt verður við dokumentatión, men kortini er langt á mál

Enn er langt eftir á mál í málinum um svik í Miklagarði í SMS, tí kanningarnar eru drúgvar, sigur leiðarin á kriminaldeildini hjá løgregluni

Sigrún H. Brend

Bjarni Mohr

17.10.2014 - 12:58

Jón Klein Olsen, leiðari á kriminaldeildini í Havn, sigur, at nú arbeiðir umsitingin í SMS og í Dansk Tipstjeneste við at finna út av, hvussu langt aftur farast skal fyri at kunna staðfesta, nær svikið byrjaði. Og síðani skal alt dokumenterast, og tað er rúgvismikið tilfar at fara ígjøgnum.

Tað var í spetember, at ein 33 ára gamal maður varð skuldsettur fyri umfatandi svik í Miklagarði í SMS í Havn. Sambært Jón Klein Olsen, er talan um ein 33 ára gamlan mann, sum hevur svikað fyri umleið eina millión krónur. Málið varð meldað til løgregluna 11. august.

Hvussu svikið er farið fram, vil Jón Klein Olsen ikki nágreina - men hann váttar, at talan er um svik við veddingarseðlum. tá løgreglan hevur fingið neyðugu prógvini og dokumentatiónina til vega. Málið skal í næstum latast ákæruvaldinum. Men kanningarnar fara at taka drúgva tíð, sigur Jón Klein Olsen.