- Tíðindi, mentan og ítróttur
Ingen gass!
Ingen gass!
Hóast russar hótta ES við gassstongsli, ætlar Noreg ikki at útflyta meiri gass til ES.
Norski orkumálaráðharrin, Tord Lien, avmyndaður við oljupall í Norðsjónum.
Mynd: NTB scanpix
18.10.2014 - 09:02
Fer Russland at skrúva gassveitingina til Vestureuropa fyri, kemur einki gass úr Noregi ístaðin. Tað sigur norski orkumálaráðharrin, Tord Lien, við ES, sum í summar bað um at sleppa at keypa meiri gass úr Noregi.
ES og Russland eru ósamd um støðuna har eysturi í Ukraina og á Krim, og tí hava londini í ES sett tiltøk í verk ímóti Russlandi. Óhugsandi er ikki, at Russland fer at svara aftur við at lata ES minni gass í vetur.
Fleiri ES-lond keypa alt sítt gass úr Russlandi. Tey siga seg stúra fyri, at bæði fólk og fyritøkur kunnu fáa ov lítið av orku, um Russland fer at skamta gassið. Og Noreg sigur seg ikki vera ført fyri at útvinna meiri gass.
Er kopiera
Nýggjastu sendingar í ÚV
Nýggjastu sendingar í SV
