Grønlendska landsstýrið kolldømir aðra frágreiðingina í snyrilsmálinum

Grønlendska landsstýrið, Naalakkersuisut, kolldømir aðra frágreiðingina í snyrilsmálinum, sum var almannakunngjørd ídag.

Tað er greitt eftir, at landsstýrið hevði tíðindafund í Nuuk seinnapartin í sambandi við at frágreiðingarnar vóru almannakunngjørdar.

Tað vóru landsstýrisformaðurin, Jens-Frederik Nielsen og landsstýriskvinnan í lógarmálum, Mariane Paviasen Jensen, sum hildu tíðindafundin. 

Frágreiðingarnar, sum tvey serfrøðingalið hava gjørt, siga millum annað, um snyrilsmálið í Grønlandi er brot á mannarættindi ella ikki.

Okkara tíðindakvinna, Sigrún Brend, var við á tíðindafundinum í Nuuk.

Hoyr innslag í útvarpstíðindunum

Landsstýrisformaðurin vildi ikki niður í smálutir á tíðindafundinum, tí at talan er um grønlendskar kvinnur, ið hava ligið undir hesum í so nógv ár.

Grønlendska landsstýrið vil, at ein sáttarnevnd nú verður sett.