Fleiri fólk í Eysturkommunu

Fólkatalið í Føroyum veksur, og tað merkist í fleiri kommunum. 

Í Eysturkommunu er fólkatalið seinastu tólv mánaðirnar vaksið við 43 íbúgvum.

Hetta er, sambært tølum hjá Hagstovuni, størsti vøkstur í landinum eftir Tórshavnar kommunu, ið er tann størsta, og hagar flest fólk flyta. 

- Vit gleðast um at síggja vøkstur í kommununi, sigur Jóhan Christiansen, borgarstjóri. 

Tølini hjá Hagstovuni siga, at 1.996 fólk búgva í Eysturkommunu.