Lesandi mammur fáa ikki fleiri pengar enn pápar

Landsstýrið fer ikki at gera mun á kvinnum og monnum í útbúgving, sum eiga børn. Tey fáa eisini í framtíðini sama barnastuðul.

Skulu kvinnur hava størri stuðul enn menninir, verður skipanin fløkt at umsita, og foreldrauppgávan er felags ábyrgd hjá foreldrum, sigur Bjørn Kalsø, landsstýrismaður, sum hevur svarað fyrispurningi frá Bjarna Djurholm, løgtingsmanni.

Bjarni Djurholm spurdi, hvussu nógv tað fer at kosta at geva kvinnum 1.000 kr. meira um mánaðin í barnastuðli.

Lestrarárið 2013/2014 fingu 620 lesandi barnastuðul frá Studna, 470 kvinnur og 150 menn. Tey eiga 1135 børn. Okkurt um 80 fingu serliga ískoytið, tí tey vóru stakir uppihaldarar. 

Tað hevði kostað 9,6 mió. kr. meira, um kvinnurnar skuldu fingið 1.000 kr. meira um mánaðin, sigur Bjørn Kalsø í svarinum.