Halda seg hava sæð vrakpettir av flogfari

Eitt Orion-flogfar hevur sæð okkurt nærindis Nangka-oynni umleið 1000 kilometrar, haðani flogfarið hjá Air Asia hvarv, men ein kommandørur í indonesiska flogvápninum sigur, at tað er ikki vist, at lutirnir frá horvna flogfarinum. 

162 fólk er við horvna flogfarinum.

Leiðarin fyri indonesisku leitingar- og bjargingartænastuni sigur, at er flogfarið dottið niður, liggur tað á havsins botni. 

Higartil hevur eingin váttað, at flogfarið er dottið niður, men eingin hevur frætt nakað aftur frá flogfarinum, síðani flogskiparin bað um loyvi at broyta kós, tí illveður var á leiðini.

Leitingin varð tikin uppaftur tíðliga í morgun, og leitað verður bæði við flogførum og skipum. Flogfarið, sum malaysiska lágprísfelagið Air Asia eigur, var á veg úr Indonesia til Singapore, tá tað brádliga hvarv. 

2014 hevur verið eitt vanlukkuár fyri malaysisku loftferðsluna.

Malaysia Airlines hevur mist tvey flogfør í hesum árinum. Fyrst hvarv eitt flogfar við 239 ferðafólkum, tá tað var á veg úr Kuala Lumpur til Beijing. Hetta flogfarið er ongantíð funnið, og 17. juli var eitt flogfar hjá Malaysia Airlines skotið niður yvir eystara parti av Ukraina. Øll 298 fólkini, sum vóru við flogfarinum, doyðu.