Bygnaðurin tillagaður: Fimm fólk søgd úr starvi

<p>- Vit klára ein part við umleggingum og nátúrligari frágongd, men vit sleppa tíverri ikki undan uppsøgnum, sigur stjórin, Edvard Heen, í tíðindaskrivi fyri løtu síðan.</p>

<p>Starvsfólkini í Almannaverkinum fingu klokkan 10 í morgun kunning um næsta stigið í menningini av Almannaverkinum frá stjóranum, Edvard Heen.</p>

<p>Ein av avleiðingunum, nú bygnaðurin er umskipaður, er, at fimm fólk í morgun fingu ætlanarskriv um uppsøgn. Orsøkin, til uppsagnirnar er, at eldraøkið á nýggjárinum varð lagt út til kommununar sjálvar at umsita.</p>