Sí brellbitan her: House of Cards byrjar nú aftur

Ein tann best umtókta sjónvarpsrøðin á netinum, House of Cards, byrjar nú aftur. Teir nýggju partarnir verða tøkir á netinum fríggjamorgunin

Fríggjamorgunin klokkan átta føroyska tíð verða nýggir partar í røðini House of Cards tøkir á netinum

Mynd: Skíggjamynd/Netflix

Bjarni Mohr

26.02.2015 - 10:07

Telist tú millum teirra, ið hevur fylgt við amerikonsku sjónvarpsrøðini, House of Cards, seinastu tvey árini, kanst tú nú so smátt byrja at gleða teg aftur.

Fríggjamorgunin klokkan átta føroyska tíð verða nýggir partar tøkir hjá Netflix, upplýsti Netflix fyri danska blaðnum BT í gjár, mikudagin.

Brellbiti: House of Cards - Season 3

Nú, triðja røðin av House of Cards byrjar, er eisini ein danskur sjónleikari við. Danski sjónleikarin, Lars Mikkelsen, spælir, sum skilst, russiskur forseti.

- Hetta er uttan iva eitt hámark í yrki mínum, segði sjónleikarin, Lars Mikkelsen, við DR Kultur í januar. Hann vil ikki vátta, at hann fær leiklutin sum russiskur forseti.

Uppslag by Kringvarp Føroya.