Edmund gróðursetti fyrsta træið

Edmund Joensen, fólkatingsmaður, sum hevur tikið stig til Náttúrulundina við Streymin, gróðursetti fyrsta træið leygardagin, tá skipað varð fyri hátíðarhaldi norðan fyri brúnna um Streymin, streymoyarmegin. 

Tilsamans skulu 70.000 trø setast niður. Fimm trø  vórðu gróðursett leygardagin. Tey eru ymisk og koma ymsa staðni frá í heiminum, men felags fyri tey er, at øll trívast í føroyska veðurlagnum. Tróndur Leivsson, landsskógarvørður, hevur valt trøini. 

Edmund Joensen fekk eisini heiðurin at seta grevið á gravkúnni í moldina og at byrja grevsturin av teirri fyrstu veitini, sum skal drena økið. 

Danski grunnurin, Aage V. Jensen Charity Foundation, hevur játtað tilsamans 10 milliónir kr. til verkætlanina. 

​