Varð stungin í ryggin

Ein ungur maður varð sunnumorgunin stungin í ryggin uttan fyri eitt dansistað í Havn.

Tveir ungir menn fóru til hendurs, og annar maðurin stakk hin í ryggin. Maðurin fór til kanningar á landssjúkrahúsinum, men fekk ikki stórvegis mein.

Maðurin, ið stakk, var til grundlógaravhoyring í gjár, og er varðhaldsfongslaður í fýra vikur.

Løgreglan leitar eftir fólki, ið sóu tilburðin. Tilburðurin var um hálvgum fýra tíðina sunnumorgunin. 

Fólk kunnu seta seg í samband við løgregluna, sum hevur telf. 351448.