Loyvið viðgerast av nýggjum

Loyvið viðgerast av nýggjum
Heilsufrøðiliga starvsstova skal viðgera loyvið av nýggjum, sum Marine Harvest fekk at seta út smolt í tveimum aliøkjum í Sundunum samstundis
Heilsufrøðiliga starvsstova skal viðgera loyvið av nýggjum, sum Marine Harvest fekk at seta út smolt í tveimum aliøkjum í Sundunum samstundis (myndin hevur ikki samband við ítøkiliga málið)
 
05.03.2015 - 14:41

Vinnukærunevndin hevur biðið Heilsufrøðiligu starvsstovu viðgera loyvið av nýggjum, sum Marine Harvest fekk at seta út smolt í tveimum aliøkjum í Sundunum samstundis.

Ein hummarafiskari kærdi til Vinnukærunevndina. Orsøkin til kæruna var, at alarin fekk annað økið at brúka sum skiftisøki til hitt økið, tað er tí, fiskur skuldi ikki vera í báðum økjum í senn.

Loyvið varð kært

Talan er um økini, sum eita A-32, tað er við Fossá, og A-87, sum er úti fyri Haldarsvík. Tá Heilsufrøðiliga starvsstovan gav loyvi til at ala í báðum økjum í senn, varð kært.

Vinnukærunevndin sigur, at tá treytirnar fyri loyvinum at brúka aliøki verða broyttar, og tað kann gera, at umhvørvið verður dálkað, og kann órógva hummaraveiðuna, skal ætlanin um broytingina sendast til hoyringar.

Og, sigur Vinnukærunevndin so, Heilsufrøðiliga starvsstova átti at spurt Fiskimálaráðið, sum umsitur hummarloyvini, Umhvørvisstovuna, Hummarafelagið og hummarafiskararnar har norðuri í Sundunum.

Avgerðin sendast til hoyringar

Tá hetta ikki gjørt í hesum máli, hevur Vinnukærunevndin avgjørt at heimvísa málið til Heilsufrøðiligu starvsstovuna til nýggja viðgerð, stendur í niðurstøðuni hjá Vinnukærunevndini.

Bárður Enni, stjóri á Heilsufrøðiligu starvsstovuni, sigur, at tey fara nú at viðgera málið av nýggjum og senda avgerðina til hoyringar. Marine Harvest fekk loyvi at brúka bæði økini har norðuri í Sundunum aftur fyri ikki at seta út fisk við Veðranes.

Hetta varð gjørt í royndunum at tálma lúsapláguni í Sundalagnum, sigur Bárður Enni. Hann sigur, at málið hevði skund, og tí varð tað ikki sent til hoyringar tá.

Er kopiera
Nýggjastu sendingar í ÚV
Leygardag 21. november
Upp á tá - 201126
216763
Fríggjadag 20. november
Vikuskiftið 20 nov 2026
216752
Fríggjadag 20. november
LEITISSTEIN 20.11.2026 (Linda Andrews)
216750
Fríggjadag 20. november
Breddin: Leigubústaðir og skattafyrimunir
216730
Fríggjadag 20. november
Beinleiðis úr Studio 5 - Nettupp
216723
Nýggjastu sendingar í SV
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592