Ov nógvur vindur fyri vindmyllurnar

Streymslit varð um alt meginøkið í nátt, tí vindmyllurnarnar hjá sev í Húsahaga ikki megnaðu  at framleiða streym, - vindurin bleiv rætt og slætt ov nógvur fyri vindmyllurnar. 

Finn Jacobsen, tekniskur leiðari á SEV sigur, at vindurin vaks úr 20 uppí 35 m/s eftir einari løtu í nátt, og hetta hevði við sær, at myllurnar mistu ein stóran part av framleiðsluni. Tá so aðrar skipanir ikki megnaðu at taka yvir, sløknaði um alt meginøkið í nátt millum kl. 4 og 5. 

Hetta var triðja black-outið hjá Sev higartil í ár - og sjeynda ella áttanda streymsliti. Sindur ringt at halda tal á.