Kristianna farin í Javnaðarflokkin

Kristianna var triðvald á listanum hjá Sjálvstýrisflokkinum, og hevur fleiri ferðir verið á tingið, sum varafólk fyri Sjálvstýrisflokkin í hesi tingsetuni. Men nú er hon farin í Javnaðarflokkin, tað skrivar Sosialurin í kvøld. Við Sosialin sigur Kristianna Winther Poulsen, at hon ætlar sær ikki at gevast í politikki, og fegin vil halda fram. Men at hon fær ikki hildið fram í Sjálvstýrisflokkinum, tí hon er ikki samd við linjuna hjá Kára P. Højgaard.