Kostnaðarískoytið skal skattast

Kostnaðarískoytið, sum løgtingsfólk fáa, eigur at vera skattað. Tað heldeur Framsókn. 

Kostnaðarískoytið er 2.000 kr. um mánaðin, og tað er skattafrítt.

Kostnaðarískoytið er endurgjald fyri útreiðslur, sum tingfólk hava av arbeiðinum sum løgtingsfólk.

Men Framsókn skjýtur nú upp, at ískoytið skal skattast.

Framsókn biður formansskapin í løgtinginum endurskoða lógina um samsýning og eftirløn hjá løgtingsfólkum og koma við uppskotum um møguligar broytingar á ólavsøku í ár. 

Uppskotini hjá Framsókn eru at skatta kostnaðarískoytið, at tingfólk fáa endurgoldið tað, sum tey veruliga gjalda fyri flutning í staðin fyri fast gjald sum nú, tað er fyri 100 ferðir aftur og fram um árið.

Og tingfólk eiga eins og øll onnur, eisini landsstýrisfólk eftir næsta val, at gjalda til sína egnu eftirløn, heldur Framsókn.