Eystari Landsrættur minkaði bøturnar

Eystari Landsrættur minkaði bøturnar
Bøturnar hjá fýra skiparum, ið skuldu gjalda 150.000 krónur hvør, vórðu settar 50.000 krónur niður, nú Eystari Landsrættur hevur dømt í málinum
Fýra skiparar spardu 50.000 kr. hvør í bót, nú Eystari Landsrættur hevur dømt í málinum um makrelfiskiskap í einum stongdum kassa norðanfyri á sumri í 2011
 
19.03.2015 - 10:00

Fýra skiparar spardu 50.000 kr. hvør í bót, nú Eystari Landsrættur hevur dømt í málinum um makrelfiskiskap í einum stongdum kassa norðanfyri á sumri í 2011. Landsrætturin minkaði bótina úr 150.000 krónum niður í 100.000 kr., sum er vanliga bótin í slíkum førum.

Ákæruvaldið fekk ikki viðhald í pástandinum um, at skipini skuldu missa allan reiðskapin, tey høvdu umborð, tá tey blivu tikin. Føroya rættur segði, at hald skuldi leggjast á reiðskap og veiðu fyri tvær milliónir og 175.000 kr.

Men Landsrætturin legði 378.000 kr. afturat, tí øll skipini uttan Finnur Fríði, høvdu meira reiðskap og amboð, sum kundu brúkast til makrelfiskiskap, enn Føroya rættur segði.

Trolaðu saman í stongdum kassa

Munurin á virðinum á reiðskapinum, sum varð brúktur í stongda kassanum, og øllum reiðskapinum, skipini høvdu, er 2,4 mió. kr.

Flakatrolarin Vesturvón og uppsjóvarskipið Finnur Fríði trolaðu saman, og flakatrolarin Gadus og uppsjóvarskipið Næraberg trolaðu saman í stongda kassanum. Í Føroya rætti helt ákæruvaldið uppá, at kassin var stongdur fyri allari trolveiðu yvirhøvur.

Verjin hjá skiparunum segði, at forboðið bara var galdandi fyri botnfisk, ikki fyri uppsjóvarfisk. Men Føroya rættur gav ákæruvaldinum viðhald, og tað gjørdi Eystari Landsrættur eisini.

Er kopiera
Nýggjastu sendingar í ÚV
Mikudag 18. november
Vágskálin: Frá Jóannesi bónda til Frú S
216535
Mikudag 18. november
Skratsj 18. nov. 2026
216628
Mikudag 18. november
Mono 3 - Fróði Løksagarð - 181126
216627
Mikudag 18. november
Skipsboð
216603
Nýggjastu sendingar í SV
Mikudag 18. november
Dagur og vika - teknmálstulkað
216592
Týsdag 17. november
Veðrið
216565
Týsdag 17. november
Dagur og vika við 3-2 - teknmálstulkað
216520
Mánadag 16. november
Veðrið
216486
Mánadag 16. november
Bygdarliv 4 – Eiði
216470