Føroyar vunnu men komu ikki víðari

Føroyska kvinnulandsliðið í fótbólti vann fyri løtu síðani 4-2 á Malta í EM-undankappingardysti.

Hálvleiksstøðan var 2-1 til Føroyar. Heidi Sevdal skeyt tvey mál fyri Føroyar, og Rannvá Andreasen og Milja Simonsen skutu hvør sítt.

Hóast Føroyar vunnu, so var sigurin akkurát ov lítil til at koma víðari. Undan dystinum var kravið, at Føroyar skuldu vinna við trimum málum.

Føroyar vóru tó sera nær við, tí í tíðini, sum dómarin hevði lagt afturat, skeyt Rannvá Andreasen eitt skot á tvørtræið.

Hetta úrslitið hevur við sær,at Georgia, Føroyar og Malta øll endaðu við seks stigum. Georgia hevur tó besta málmunin og fer víðari til endaligu EM-undankappingina.