Boring í Norskahavinum byrjað

- Felagið er fegið um, at Bister Leitibrunnurin nú verður boraður, sum ein uppfylgingarbrunnur til tað týðandi Snilehorn fundið á sama loyvi og nær við Njord undirstøðukervi, sigur Graham Stewart, forstjóri, sambært fp.fo

Borað verður eftir kolvetnum í somu jarðarløgum, sum Hyme og Snilehorn keldurnar eru, tí seismiskar kanningar benda á, at Bister leitimiðið líkist hesum báðum keldunum.

Statoil, ið eigur ein góðan triðing av brunninum, er fyristøðufelag, og tað verður Trans-ocean Spitzbergen boripallurin, sum verður nýttur til boringina. Havdýpið, har borað verður, er 260 metrar.

Bister leitimiðið liggur á sama teigi sum Hyme framleiðslueindin, og har Snilehorn fundið varð gjørt í 2013.