TAKS kannar útlendsk akfør

Bilar og akfør við útlendskari nummarplátu mugu einans vera í landinum í tríggjar mánaðir í einum 12 mánaðar tíðarskeiði uttan at rinda toll- og innflutningsavgjørld. Tó kann loyvi verða givið um longri freist, um søkt verður um tað, og viðurskiftini annars tala fyri tí.

TAKS hevur síðani síðst í apríl kannað nýtsluna av bilum við útlendskari nummarplátu í Føroyum. 

Um bilførarar, sum hava fingið boð frá TAKS, ikki lata frætta frá sær, fer TAKS at lata Akstovuni málið til nærri viðger. 

Og tá kann avleiðingin vera, at bilar og akfør, sum eru skeivt skrásett, missa nummarplátuna, skrivar TAKS á heimasíðuni.