Eingin hevði smakkað sær á

Líkt er til at fólk virða ferðslulógina, ikki minst promillumarkið.

Nú bátastevna er í Vestmanna, steðgaði løgreglan í gjárkvøldið og út á náttina umleið 30 bilum, fyri at vita hvussu standurin var.

Á politistøðini í Havn verður upplýst, at eingin bilførari hevði smakkað sær á, og øll viðurskifti vóru í lagi.

Fólk høvdu tað stuttligt í flestu bilunum, men í ongum av bilunum var nakað óvanligt við bilføraranum, sigur løgreglan.

Annars hevur vikuskiftið verið friðaligt í høvuðstaðnum, verður upplýst á politistøðini í Havn.