Stine Bosse fingið ein nevndarformanssess afturat

Nevndarforkvinnan í Banknordik, Stine Bosse, hevur fingið ein nevndarsess afturat.

Mikudagin fekk hon formansessin í nevndini í Tele Post, skrivar grønlendska KNR.

Tele Post er eitt undirfelag hjá almenna partafelagnum Tele Greenland, ið veitir internet, kt og posttænastur.

4 nevndarformanssessir

Stine Bosse er nú nevndarforkvinna í trimum stórum feløgum í Danska Kongaríkinum.

Umframt sessirnar í Banknordik og Tele Post, er danska vinnulívskvinnan eisini forkvinna í almenna oljufelagnum Nunaoil.

Í síðsta mánað gjørdist hon eisini nevndarforkvinna í donsku Europa-rørsluni, ið er ein tvørpolitiskur felagsskapur, ið virkar fyri at styrkja bondini til ES.