Sands Kommuna ikki tikið støðu til Sea Shepherd

Málið varð tikið av aftur skránni fyri bygdarráðsfundin hósdagin í síðstu viku.

Brandur Sandoy, borgarstjóri, sigur, at biðað verður við avgerðini til Kommunufelagið og Kommunala eftirlitið hava sagt, hvat tey halda um tær kommunur, sum nokta Sea Shepherd at brúka kommunalar tænastur.

Løgfrøðiligt upprit

Kommunufelagið viðgjørdi spurningin á stýrisfundi fríggjadagin. Eitt løgfrøðiligt upprit varð gjørt til fundin. 

Men Kommunala eftirlitið hevur ikki enn boðað frá sínari støðu.

Brandur Sandoy sigur, at á bygdarráðsfundinum hósdagin kom minnilutin við uppskoti um at nokta Sea Shepherd at brúka havnina á Sandi. Men tað vann ikki frama.