Útlitini fyri heimsbúskapin eru ikki góð

<p><span style="line-height: 1.6em;">Tí hevur OECD, sum er stovnurin fyri </span>fíggjarligum samstarvi og menning,&nbsp;<span style="line-height: 1.6em;">lækkað sína meting fyri úrslitið í ár.</span></p>

<p>Fyri samlaða heimsbúskapin er lækkingin 0,5 prosentstig, og fyri amerikanska búskapin meir enn eitt prosentstig. Heldur frægari sær út í Europa, sigur OECD.</p>

<p><strong>Loysir seg ikki</strong></p>

<p>Ov smáar íløgur í nógvum londum eru til bága fyri vøksturin, og tað darvar so vøkstrinum uppá longri sikt, sigur stovnurin.</p>

<p>Fyritøkur og tey sum eiga pengar, síggja ikki stórvegis framtíð í at gera íløgur, tí verður tað ikki gjørt, verður sagt.</p>

<p><strong>Bati at hóma</strong></p>

<p>OECD sigur seg rokna við, at gongdin næsta ár verður betri, og næsta heyst verður gongdin sum hon var undan fíggarkreppuni.</p>

<p>Lágur oljuprísur, lágar rentur og at europeiski miðbankin sprænir pening út í kervið, fara at venda gogdini sum frálíður.</p>

<p>Í Europa er arbeiðsloysið omanfyri 10 prosent, og tað er tvær ferðir so høgt sum í USA. Har verður eingin broyting í 2016, sigur stovnurin.</p>