NATO: Meira enn ein millión fólk eru deyð ella særd í Ukraina

Meira enn ein millión fólk eru dripin ella særd í Ukraina, síðani Russland gjørdi innrás í 2022, metir NATO.

- Hvørja viku verða 10.000 fólk á báðum síðum dripin ella særd í Ukraina, segði aðalskrivarin í NATO, Mark Rutte, í røðu í Brússel í gjár.

- Og hvønn dag elvir hetta kríggið til alsamt fleiri oyðileggingar og deyða, legði hann aftrat.

Mark Rutte

Mark Rutte, NATO-aðalskrivari.

Ukrainski forsetin, Volodymyr Zelenskyj, hevur áður sagt, at 43.000 hermenn hava latið lív í krígnum.

Harumframt hava umleið 370.000 hermenn fingið viðgerð fyri skaðar, og helmingurin av teimum er farin aftur í kríggj, sambært Zelensky.

Russland hevur ikki upplýst tøl fyri, hvussu nógvir hermenn hava latið lív ella eru særdir, skrivar NTB-tíðindastovan.