Opið mentanarnáttina: Kom og vitja okkum

Kringvarp Føroya bjóðar fólki at koma á gátt mentarnáttina. Opið er frá klokkan 16:30 til kl. 22:00.

Morgunkórið, sum Morgunsendingin tók stig til, fer millum annað at syngja, og eisini fer Jákup Veyhe at føra fram brot úr Mórugøtu.

Sí alla skránna niðanfyri

Vitjandi fáa høvi at vera hjástødd, tá útvarpstíðindini, Dagur og Vika og Gekkurin verða send.

Hvønn hálvan tíma fara kringvarpsfólk at vísa gestum runt og eisini ber til at síggja, hvussu kringvarpssavnið verður talgilt.

Á tónlistarliga økinum eru fýra konsertir. Lagt verður fyri við Konni Kass. Seinni spælir og syngur Guðrið Hansdóttir, Morgunkórið syngur og síðstu konsertina hevur Sakaris.

Myndirnar, sum vunnu listakappingina í vár, verða eisini sýndar fram.

Soleiðis verður skráin mentanarnáttina

16:30 Mórugøta live. Jákup Weyhe leikar brot úr barnarøðini í Høllini

17:00 Fyrsta rundvísingin. Rundvísing verður hvønn hálvan tíma

17:00 SavnsGull. Talgilding og videobrot úr SavnsGulli.

18:00 Tíðindasending í ÚV. Vitjandi hava høvið at vera í kontrolrúminum

18:25 Konsert í Høllini við Konni Kass, sum vann Sement-kappingina

19:00 Dagur og Vika. Bólkar við vitjandi hava høvi at fara í D&V-studio

19:30 Guðrið Hansdóttir syngur og spælir í Høllini

20:00 Gekkurin. Bólkar við vitjandi hava høvið at fara inn í Gekkastudio

20:15 Morgunkórið syngur í trappuni í Forhøllini

21:30 Konsert við Sakaris í Høllini

Myndirnar, sum vunnu listakappingina í Morgunsenndingini í vár, verða vístar á eini framsýning í gongini í Norðurlonini.