Rene Shaki Joensen sáttmála við Vendsyssel

- Jakob Kruger, ítróttarstjóri í Vendsyssel, sigur við bold.dk, at Rene Shaki Joensen er leikari, sum kann brúkast á fleiri plássum.

Hann hevur í royndartíðini hjá okkum víst, at hann er góður at hava í hópinum, og at hann hevur uppiborið møguleikan at prógva sítt virði.

Talan er um ungan leikara, sum hevur bæði rætta aldurin og góðar menningarmøguleikar, leggur ítróttarstjórin aftrat.

Rene Shaki Joensen hevur áður roynt seg í Brøndby, har hann spældi ein dyst í Superliguni, áðrenn hann flutti aftur til HB.