Tí skalt tú minka um nýtsluna av hesum

- Nógv brúka høvuðpínutablettir hvønn einasta dag. Tað verður til ónda ringrás, sigur Espen Saxhaug Kristoffersen, PhD við lærda háskúlan í Oslo, NTNU, sambært forskning.no

Trupulleikin er serliga, at nógv upparbeiða yvirnýtslu av tablettum, siga granskarar í kanningini, ið varpar ljós á nýtsluna av pínustillandi heilivági.

Vælútbúgvin brúka pínudoyvandi skynsamari

- Vit vita frá gransking her á NTNU, at tað millum annað snýr seg um útbúgving. Jú hægri útbúgving tú hevur, tess betur ert tú til at kunna teg um vandan við at nýta ov nógvan pínudoyvandi heilivág, sigur Knut Hagen, professari við NTNU.

Í nýggju kanningini skuldu 50 praktiserandi læknar og sjúklingar hjá teimum við kroniskari høvuðpínu, svara spurningum um høvuðpínu

Læknarnir greiddu sjúklingunum samstundis frá um fyrimunirnar við at minka um nýtsluna av pínudoyvandi heilivági fyri høvuðpínu.

Helmingurin slapp av við høvuðpínuna

Meting varð gjørd av hvørjum sjúklingi og tríggjar mánaðir seinni vórðu tey innkallað aftur. Tá vísti tað seg, at helmingurin av teimum vóru sloppin av við kronisku høvuðpínuna.

- Nú hava vit fylgt hesum sjúklingum eina tíð, og vit hava góðar vónir um úrslitið av kanningini, sigur Espen Saxhaug Kristoffersen við forskning.no

Kanningin varð almannakunngjørd í tíðarritinum Journal of Neurology, Neurosurgery and Psychiatry.