Nótaskipini hava góðan fiskiskap

Nótaskipini hava fiskað helvtina av makrelkvotuni, tey eiga í ár. Tey hava fiskað 32.000 tons, og fiskiskapurin er góður. 

Skipini royna norðanfyri, og 4.000 tons eru fiskað í altjóða sjógvi.

Fiskiskapurin byrjaði seinni í át, tí nótaskipini kunnu fiska 25.500 tons í norskum sjógvi og 22.000 tons í ES-sjógvi. 

Makrelurin gerst betri sum líður út á ári, og prisurin verður tí betri.

Føroyska makrelkvotan er 112.000 tons í ár. 

Sambært hagtølunum hjá Vørn eru fiskað 52.000 tons higartil í ár.