Norska fregnartænastan rópar varskó

Norska fregnartænastan rópar varskó
Økti streymurin av flóttafólkum og asylsøkjarum til Noregs fer at fáa neiligar fylgjur fyri hóttanarmyndina, sum er knýtt at høgravíðgongdum bólkum
Stjórin fyri norsku fregnartænastuna, Benedicte Bjørnland
 
25.09.2015 - 09:48


Hetta, tí at mótstøðan móti tilflytarum er høvuðsmálið, og týdningarmikil liður í at skaffa nýggjar limir til hesi umhvørvi. Tað sigur stjórin fyri norsku Fregnartænastani, Benedicte Bjørnland. 

Vinstravíðgongd hóttan

Tað er eisini hóttan, at vinstravíðgongdir bólkar í Noregi kunnu savnast um mál, sum hava við flóttafólkakreppuna at gera. 

Økist stríðið við høgravíðgongdu bólkarnar kann tað elva til móttiltøk og ógvusligar samanbrestir millum høgra- og vinstravíðgongd.

Radikalisering í Noregi

Asylsøkjarar knýttir saman við víðgongdari islamismu er tó ikki nakað, sum norska fregnartænastan stúrir fyri í løtuni.

Hóttanin frá víðgongdari islamismu kemur fyrst og fremst frá persónum, sum eru føddir og uppvaksnir í Noregi, og sum eru radikaliseraðir í Noregi. 

ISIL og Al Keida

Fyribils metur stjórin fyri Fregnartænastuna, tað vera lítið sannlíkt, at felagsskapir, sum ISIL ella Al Kaida, brúka norska asyl-stovnin til at fáa yvirgangsfólk til Noreg.

Men upp á sikt er møguleiki fyri, at onkur einstakur asylsøkjari kann gerast yvirgangshóttan móti Noregi, skrivar stjórin fyri norsku fregnartænastani, Benedicte Bjørnland, í tíðindabrævi.

 

Er kopiera
Nýggjastu sendingar í ÚV
Nýggjastu sendingar í SV
Týsdag 10. juni
Veðrið
193072
Sunnudag 8. juni
Andakt við Bergi Debes Joensen
192984
Sunnudag 8. juni
Guðstænasta úr Havnar kirkju
192979