Eldur kyknaði í maskinrúminum á skipinum

Stutt fyri klokkan sjey í gjárkvøldi varnaðust fólk, sum vóru á bryggjuni, at roykur kom úr skipinum, og løgreglan og sløkkilið vórðu boðsend.

Sambært vaktahavandi hjá løgregluni var eldurin lítil, og hann breiddi seg ikki víðari úr maskinrúminum. Eingin fekk skaða av eldinum.

Enn er tó ov tíðliga at siga nakað um orsøkina til eldsbrunan. Kanningar skulu gerast umborð, og onkur afturat skal avhoyrast, upplýsir løgreglan.

Eysturbúgvin kom á Havnina um middagsleitið í gjár. Skipið hevði tekniskar trupulleikar, og kom tí inn.