Sigla í arbeiðssteðgi

Smyril skal sigla eina ferð um dagin, Teistin, Ternan og Sam tvær ferðir og Ritan og Sildberin eftir galdandi ferðaætlan, um arbeiðssteðgur er.

Í semjuni, sum Starvsmannafelagið og Fíggjarmálaráðið gjørdu í gjár, stendur, at tá arbeiðssteðgur er, sigla øll skipini í minsta lagi eina ferð um samdøgrið.

Tríggjar sjóleiðir ikki skerdar

Sigling á Kalsoyarleiðini, Nólsoyarleiðini og Sandoyarleiðini skal tó vera i minsta lagi tvaer ferðir um dagin í 21 dagar.

Tá arbeiðssteðgur hevur verið í 21 dagar, skulu Starvsmannafelagið og Fíggjarmálaráðið semjast um, hvussu tá verður við siglingini á teimum trimum leiðunum.

Siglingin til Skúvoyar og til Fugloyar og Svínoyar verður ikki skerd, hóast arbeiðssteðgur er, stendur í tvey ára semjuni, sum varð undirskrivað í Fíggjarmálaráðnum í gjár.