Kanska fólkaatkvøða um skúlar

Fólk, sum ikki góðtaka, at skúlarnir í Hósvík, Hvalvík, Haldórsvík, við Norðskála, á Oyri og Felagsskúlin á Oyrarbakka verða lagdir niður næsta summar, kunnu biðja um fólkaatkvøðu um avgerðina hjá býráðnum í Sunda kommunu um nýggjan skúlabygnað í kommununi.

Frá næsta skúlaári verður bara ein fólkaskúli í Sunda kommunu, og hann verður í nýggja Skúlanum við Streymin. Tað kunnger Sunda kommuna í dag.

SÍ EISINI Framvegis ósamdir um skúlan á Oyrarbakka

Í minsta lagi 30 prosent av veljarunum í einum skúlaumdømi kunnu krevja fólkaatkvøðu um avgerðina at leggja skúlan niður. Tað skal gerast í seinasta lagi um ein mánað.

Býráðið í Sunda kommunu samtykti einmælt hálvan juni í fjør at hava EIN skúla í kommununi í staðin fyri fimm.