- Tíðindi, mentan og ítróttur
Fimm íbúðir til fólk fjølbreki
Fimm íbúðir til fólk fjølbreki
Fíggjarnevndin hevur játtað Eyðgunn Samuelsen tvær milliónir at umbyggja fimm íbúðir fyri. Tær skulu hýsa fólki við fjølbreki og tungum rørslutarni
Fimm íbúðir verða nú tillagaðar, so tær kunnu hýsa fólki við fjølbreki og tungum rørslutarni
23.12.2015 - 11:42
Ein íbúð verður í Mylnutúni í Klaksvík og fýra verða í Blikagøtu í Runavík.
Eyðgunn Samuelsen, landsstýriskvinna í almannamálum, hevur fingið loyvi frá Fíggjarnevndina at gera hetta, hóast verkætlanin ikki er nevnd í fíggjarlógini fyri 2015.
Tað fer at kosta tvær milliónir krónur at gera tær fimm íbúðirnar. Pengarnir eru til í játtanini til bústovnar, sigur Almannamálaráðið.
Landsstýriskvinnan bað um ráðførslu við Fíggjarnevndina um, at íløgujáttanin í 2015 til bústovnar eisini kann umfata nýggja verkætlan um búpláss til fólk við tungum rørslutarni og fjølbreki, samstundis sum byggingin í Runavík verður gjørd liðug.
Fíggjarnevndin svaraði, at tað er í lagi.
Er kopiera
Nýggjastu sendingar í ÚV
Nýggjastu sendingar í SV
