Loftmyndir av Føroyum dagførdar við dronumyndum

Veðrið má sær ráða.

Tað mátti Umhvørvisstovan ásanna, tá stovnurin skuldi hava nýggjar loftmyndir av Føroyum til myndaskrásetingina á kortal.fo.

Ætlanin var at taka nýggjar loftmyndir í 2013, men ikki fyrr enn í 2015 eydnaðist at taka nýggjar loftmyndir, tá veðrið var til vildar.

Sergjørt leiguflogfar skuldi taka myndirnar

Fyrstu dronumyndirnar, ið Umhvørvisstovan tók í fjør av Havnini, Klaksvík og Leirvík, eru nú at síggja á kortal.fo, upplýsir Umhvørvisstovan.

Góðskan á nýggju myndunum, ið eru tiknar við dronu, er munandi betri enn tær gomlu, ið vórðu tiknar í 2009, sigur Umhvørvisstovan.

Upprunaliga var ætlanin at eitt sergjørt leiguflogfar skuldi taka myndirnar. Ætlanin varð slept, tí veðrið ikki var so frægt, at flogfarið kundi taka myndirnar.