Nýggj útbúgving á Glasi

Nú fer at bera til at lesa Fíggjarbúskap á Glasi. Talan er um eina yrkisakademiska útbúgving, sum gevur 120 ECTS og sum tekur 2 ár at lesa fulla tíð

Glasir bjóðar útbúgvingina Fíggjarbúskap út frá næsta skúlaári og hon verður samskipað í samstavi við Copenhagen Business School

Johnsigurd Johannesen

Bjarni Mohr

19.02.2016 - 09:42

Útbúgvingin gevur atgongd til ymsar professiónsbachelor útbúgvingar og møguleiki er at fáa merit til aðrar bachelor útbúgvingar eisini. Tað boðar Glasir frá í einum tíðindaskrivi.

Glasir bjóðar útbúgvingina út frá næsta skúlaári og hon verður samskipað í samstavi við Copenhagen Business School.

Í 2015 bjóðaði Føroya Handilsskúli, nú Glasir, fyri fyrstu ferð út eina fulltíðar framhaldsútbúgving, sum fekk føroyska heitið marknaðarførslubúskapur.

SÍ EISINI Møguleiki at lesa marknaðarførslubúskap

Tá Føroya Handilsskúli í 2015 bjóðaði út Marknaðarførslubúskap útbúgvingina, vóru heili 50 umsøkjarar, 30 sluppu inn.

Vónirnar eru góðar um, at Fíggjarbúskapur eisini verður væl móttikin, tí hesar báðar útbúgvingarnar eru javnt stórar uttanlands, sigur Glasir í tíðindaskrivinum.

Frá 1. apríl ber til at søkja inn á allar hægri útbúgvingar á Glasi í Marknagili. Umsóknarfreistin at søkja inn á Fíggjarbúskap er, eins og á hinum hægri útbúgvingunum, 1. juli.