Mæla til at broyta Barsilsskipanina

Miðflokkurin hevur lagt uppskot til samtyktar fyri Løgtingið um at heita á landsstýrið um at broyta Barsilsskipanina.

Tað skal gerast so foreldur, ið hava rætt til minni enn 50.000 krónur úr skipanini, í staðin fáa útgjaldið í einum, í sambandi við barnsburð.

Miðflokkurin sigur, at hjá teimum, sum ikki eru á arbeiðsmarknaðinum, ella hava havt lága arbeiðsinntøku, er skipanin ikki nøktandi, tí lítil ella eingin hjálp er at fáa í Barsilsskipanini.