Ársúrslitið hjá Vodafone versnaði

Avlopið fyri skatt var 8,4 milliónir krónur. Kappingin á fjarskiftismarknaðinum - eisini príslækkingar fyri reiking uttanlands og internet á fartelefonini - ávirkaðu eisini umsetningin og úrslitið.

Eitt nú fór Vodafone í fjør at bjóða fría talu og bíligari data í Norðurlondum og Evropa, og prísurin á datapakkum í Føroyum lækkaði eisini.

Gudny Langgaard, stjóri í Vodafone, sigur, at hildið verður fram at gera íløgur í at menna 3G og 4G netið til fartelefonir í hesum árinum.