Viðgera mál um fylgjarar

Løgtingið fer í dag at viðgera eitt uppskot frá Miðflokinum, um at sjúkrahúsverkið skal gjalda ferða- og uppihaldsútreiðslur fyri ein fylgjara við sjúklingi, sum verður sendur av landinum til viðgerðar og endurvenjingar.

Sambært uppskotinum kann sjúkrahúsverkið í serligum førum ávísa tveir fylgjarum við sjúklingi, sum er undir 18 ár. Umleið 2200 sjúklingar verða sendir av landinum til viðgerðar um árið.

Tveir triðingar fáa fylgjarar við

Í meðal fáa tveir triðingar av teimum játtaðan fylgjara, og kostnaðurin verður mettur at vera millum seks og sjey milliónir krónur.

Ilt er at meta, hvussu nógv fara at taka av nýggja tilboðnum um persónligan fylgjara. Leysliga mett verður kostnaðurin millum tríggjar og hálva fjórðu millión krónur um árið, sigur Miðflokkurin.

Skotið verður upp, at broytingin kemur í gildi 1. januar í 2017. Tingfundurin byrjaði klokkan hálvgum tíggju.