- Tíðindi, mentan og ítróttur
Heimsins íbúgvar eldast metskjótt
Heimsins íbúgvar eldast metskjótt
Í 2050 verða tvífalt so nógv gomul fólk í heiminum sum í dag. Parturin av fólki, sum vera eldri enn 80 ár, verður tá trífaldaður
Íbúgvarnir í heiminum eldast metskjótt, vísa framrokningar, amerikanski manntalsstovnurin hevur gjørt
29.03.2016 - 18:31
Ì løtuni eru umleið 8,5 prosent av heimsins íbúgvum eldri enn 65 ár, men um eini 35 ár verða tað 17 prosent. Tað vísir ein framrokning hjá amerikanska manntalsstovninum, US Census Bureau.
Tað merkir, at umleið 1,6 milliardir fólk verða eldri enn 65 ár í 2050. Í dag eru tað 600 milliónir. Ein nýføðingur í 2050 kann vænta at gerast eldri enn 76 ár, nærum átta ár eldri enn ein, sum varð føddur í fjør.
Í dag eru umleið 126 milliónir fólk í heiminum eldri enn 80 ár. Í 2050 verða væntandi 446 milliónir eldri enn 80 ár, sambært tíðindastovuni hjá Ritzau.
Er kopiera
Nýggjastu sendingar í ÚV
Nýggjastu sendingar í SV
