Hava ikki fingið hjálp enn

293 familjur í Føroyum, sum liva undir trongum fíggjarligum korum, hava søkt um familjuískoyti. Men enn hevur eingin av teimum fingið ískoyti, og viðgerðin av umsóknunum er heldur ikki byrjað.

Tað kemur fram í svari frá Eyðgunn Samuelsen, landsstýriskvinnu í almannamálum, til Bill Justinussen, tingmann hjá Miðflokkinum.

Almannaverkið ikki er liðugt við at fyrireika praktisku viðurskiftini í sambandi við íverksetanina av familjuískoytinum. Tað er serliga tillaging av kt-skipanini, ið er tíðarkrevjandi, kemur fram í svarinum.